محمد هنيدي يكشف حقيقة خلافه مع عادل إمام بعد رفضه المشاركة في أحد أفلامه

كشف النجم محمد هنيدي كواليس لقاءه بالزعيم عادل إمام، بعد رفضه المشاركة في أحد أفلامه.

وقال "هنيدي": "حصل فعلا إن بعد مشاركتي في فيلم بخيت وعديلة كان في دور، لكن كان مش عاجبني ومحستش إني ممكن أعمل فيه حاجة".

وأضاف: "الناس كلها استغربت وسألتني هتعمل إيه مع أستاذ عادل، وروحت قلتله لو في دور حضرتك مش حابه تعمله، قال لأ، قلت له أنا مش حابب الدور وانتهى الموضوع".

وعن طبيعة علاقته بعادل إمام بعد ذلك الموقف، أوضح: "زي الفل، وكنت عايز أروحله في عيد ميلاده وما زلت".

وتابع: "عم عادل أستاذنا وكلنا خرجنا من أفلامه، والدور في بخيت وعديلة كان صغير لكن فيه شقاوة وممكن أعمل فيه حاجة"، وجاء ذلك خلال استضافته مع الإعلامية أسما إبرهيم في برنامج "حبر سري" على قناة القاهرة والناس.  



من جهة أخرى، ينتظر محمد هنيدي طرح أحدث أفلامه "مرعي البريمو" في دور العرض السينمائي بتاريخ 2 أغسطس المقبل.  

وفيلم "مرعي البريمو" من تأليف إيهاب بليبل، وإخراج سعيد حامد، وبطولة محمد هنيدي، غادة عادل، أحمد بدير، محمد محمود، علاء مرسي، مصطفى أبو سريع، ونانسي صلاح.