بعد تداول أنباء انتحارها.. ميرنا هشام ترد: «عمري ما أعمل كده.. ومش قادرة أرد على حد»
كتب: شاهيناز خليفة
تداول رواد مواقع التواصل الاجتماعي أنباء حول محاولة انتحار المطربة ميرنا هشام، الأمر الذي أثار العديد من التساؤلات حول حقيقة الواقعة.
وخرجت ميرنا منذ قليل، لتوضح حقيقة الأمر في منشور لها عبر صفحتها الرسمية «فيس بوك»، وقالت: «أنا عايزة أطمنكم أنا كويسة، ومنتحرتش وأي حد فعلاً عارفني عمره في حياته ما هيتخيل إني أعمل حاجة زي كده».
وأضافت: «لكن كل الحكاية إني تعبانة شوية بس مش لدرجة إني انتحر خالص، أنا بقيت أحسن ولو أنا مختفية بقالي فترة، فأنا بس تعبانه نفسيًا، وتعبي النفسي أثر عليا جسديًا جدًا زي أي حد ممكن يحصله حاجة زي كده».
وتابعت: «بس ادعولي وإني ابقى كويسة وأنا كويسة، كلنا بلا استثناء بنمر بفترة مش كويسة، بس بنعدي وعادي، وأنا مريت بالفترة دي وهعدي ومتعودة على كده، بس أنا معرفش الموضوع كبر كده ازاي».
واختتمت: «أنا آسفة لكل حد كلمني وأنا قافلة موبايلي، مش قادرة أرد على حد خالص فعلًا، ادعولي أبقى كويسة بس، وأوعدكم هبقى كويسة وأنا بخير ومفيش حاجة من الكلام ده خالص».
وكانت ميرنا هشام اختفت فجأة من مواقع التواصل الاجتماعي، فضلا عن نشر شخص ما أنباء عن انتحارها كما أن والدتها نشرت بوست قالت خلاله: «حسبي الله ونعم الوكيل في اللي كان السبب».
اقرأ أيضًا: بعد أنباء انتحارها.. من هي ميرنا هشام نجمة آراب أيدول؟
View this post on Instagram
