شاكوش عن حديث ريم طارق المُسيء له: «استحالة أتكلم في شرف الست»

رد مؤدي المهرجانات حسن شاكوش، على اتهامات طليقته ريم طارق التي أثارت الجدل خلال الساعات الماضية خاصة بعد حلقتها مع الإعلامية بسمة وهبة، والتي اتهمته خلالها بالخيانة وتهديده لها بالقتل.

وقال شاكوش خلال الفيديو الذي نشره عبر صفحته الرسمية على موقع التواصل الاجتماعي «الفيس بوك»: «مساء الخير يا جماعة، يمكن من ساعة الحوار ما خلص ومن آخر فترة أنا كتبت فيها وقولت إني هسكت ومش هحكي أي تفاصيل عن إنسانة كانت في يوم من الأيام عايشة معايا ومراتي احترامًا للي كان بنا».

وتابع: «عارفين بعد كل فترة بيحصل فيها كلام كتير أو ضغط من كل اللي حواليا ببقي عايز أطلع وأحكي تفاصيل كتيرة أدافع بيها عن نفسي بس برجع وأقول هرد بكلام والكلام هيجيب كلام ومش هنوصل لحلول».

وأضاف: «الراجل المصري ليه كرامة زي ما الست ليها كرامة، وبرامج مصر كلها كانت عايزاني أطلع أتكلم وأدافع عنها، ولكني كراجل مصري استحالة أتكلم في شرف الست، وده ميرضيش ربنا أنها تطلع تتكلم على الراجل المصري بالشكل ده، ومينفعش أتكلم عنها لأنها كانت مراتي في يوم من الأيام، وكمان طليقها اتكلم في كل اللي أنا عايز أتكلم فيه».

ونوه خلال حديثه: «ياريت محدش يسمع أي حاجة من حد ولكن نسمع من الطرفين بس كل اللي أقدر أقولوا إن مفيش عين تصدق غير اللي تشوفة ربنا يهدي الجميع ويعدينا منها على خير، وأسف إن طولت عليكم».

كما وجه إعتذارًا لسيدات مصر خلال حديثه، قائلا: «أنا بتأسف لكل ست مصرية وأنتوا على رأسي من فوق، تحياتي».

كشفت ريم طارق طليقة مطرب المهرجانات حسن شاكوش، عن بعض أسباب طلاقها في أول ظهور إعلامي لها بعد أزمتها الأخيرة مع شاكوش.

وقالت ريم: "كنا في نهار رمضان، كان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي وبينهم علاقة".

وتابعت: "قعدت 30 يوم في شهر رمضان أشوف حاجات زي كده ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك، حلال عليها، والحرف الثالث من اسمها هو الراء، لترد عليها بسمة وهبة قائلة: "مترجعيش لحسن".

اقرأ أيضًا: سكوت آدكنز يروج لفيلم مطرح مطروح بهذه الكلمات