أحمد فؤاد سليم: «دراما الكومبوندات السبب في ضعف الفن»

حل الفنان أحمد فؤاد سليم ضيفا على برنامج" كلمة أخيرة" أمس الأحد، مع الإعلامية لميس الحديدي، عبر قناة on e، وكشف عن رأيه بالحالة الفنية حالياً.

وأشار أحمد فؤاد سليم، خلال الحلقة، قائلاً :"المشكلة دلوقتي إن السيناريو أصبح ضعيف جدا، والطبقة المتوسطة في العالم بتتأكل، وهي اللي طلعت كل المثقفين، فلما تأكلت بقينا نعمل ورش كتابة بتشتغل من الكومباوندات، فأصبح في الكومباوند مش الشعب".

وعن حياته، قال أحمد فؤاد سليم، قائلاً :"لما كنا بنزوغ من المدرسة كنا بنروح السينما والحكاية كانت عشق، وعشت اللحظة من خلال مشاهدتي لـ أنتوني كوين وأعتبره مثلي الأعلى في التمثيل".

واستكمل، قائلاً :"أفتكر وأنا صغير كنا بنعمل عرض مسرحي مع الأستاذ صبري السيد، مسرحية الهداية، تبع المسيحيين في الجامعة الكاتدرائية قبل ما تبقى الكنيسة الكبيرة اللي موجودة دلوقتي وراء مستشفى الدمرداش، وأنا راجل مسلم والثقافة بتاعتي إسلامية، ولكن الرنين وأجراس الكنيسة أثرت فيَّا ودمعت وأثرت في كل الناس اللى موجودين، تأثرت بالفكر والمثل العليا اللي في الديانة المسيحية، ومن هذا القبيل كان حبي للتشخيص إزاي أبقى شايف حاجة معينة وإزاي أنقلها للناس واجعلها تؤثر فيهم".