«طلع 40 متر في 3 ثواني ».. أحمد عصام يكشف تفاصيل حفل تامر حسني في العلمين

تحدث الفنان أحمد عصام عن تفاصيل تحضيرات حفل تامر حسني الذي أبهر الجميع، والذي أقيم في العلمين الجديدة مؤخرًا، وذلك خلال لقائه في برنامج مساء dmc الذي تقدمه الإعلامية إيمان الحصري.

وتستعرض العاصمة أبرز تصريحات الفنان أحمد عصام خلال اللقاء:

• فكرة الطيران دي فكرة تامر حسني لأنه في فيلم "تاج" ظهر سوبر هيرو وكان بيطير طول الوقت، تصوير الفيلم استمر 3 شهور منهم شهر هو متعلق كل يوم 7 ساعات، لما جينا نعمل الحفلة استعان بنفس فريق العمل اللي معاه في الفيلم.

• تامر طلع في 3 ثواني 40 متر ودي حاجة مش أي حد يقدر يعملها لأنها صعبة لكن تامر حسني بيحب يعمل حاجات مختلفة، والحفل أشتغل عليه 700 واحد وكل ده كان معمول حسابه.

• فكرت إزاي أعمل شكل الألعاب النارية، وأن الـ 3 ثواني نفس مدة طلوع الصاروخ، ركبت من عند رجليه ألعاب نارية وكأنها هي اللي أدته قوة الدفع والطيران.

• الطيران وكل شيء كان أمنًا خاصة أن تامر حسني خاض هذه التجربة من قبل خلال تصوير الفيلم.

• العمل في مهرجان العلمين مسئولية كبيرة لأننا بنمثل بلدنا.

• وجه أحمد صعام الشكر للشركة المتحدة على تنظيم حفل العلمين.

• العروض النارية تستلزم حضوري بروفات الأغاني، وبحب ألعب أن المشاهد يشوف التراك اللي بيلعبه النجم.