المخرج خالد جلال لـ«العاصمة»: «ثقة الناس فيا منحة ربانية»
كتب: رنا خالد
قال المخرج خالد جلال: "حب الناس وثقتهم فيا وفي الكلام اللي بقوله ده منحة ربانية بشكر ربنا عليها، وكلامي في مركز الإبداع كان كويس لأنه الحلم بتاعي وبتكلم في الحاجة اللي بحبها".
وأضاف المخرج جلال لـ"العاصمة": "مركز الإبداع الفني بيحتل عندي المكانة الأولى لأنه مركز ومشروع لصناعة المواهب وتقديمها للحركة الفنية، والنماذج الناجحة اللي تم عرضها الناس هتستفاد منها لأن دايمًا الناس الناجحة وفضلت تعافر علشان حلمها هي اللي بتلهمنا".
واستكمل: "أصريت اعرض فيلم الأستاذ وده بيتكلم عني، وأحلى جزء في الفيلم بتاعت خريجين مركز الإبداع وهم بيتكلموا عن النقلة اللي حصلتلهم جوا مركز الإبداع، وبتفرج على الفيلم ده بإمتنان شديد لأني مطلبتش منهم يعملوه ولكن اتطلب من الطلبة يتكلموا عني".
