مدحت صالح: الشهرة من نعم ربنا وفيه ناس بيزهقوا منها

كشف المطرب مدحت صالح عن التغيرات التي طرأت عليه، خلال سنوات حياته مع الشهرة، والنجومية.

وقال "صالح" خلال لقاءه ببرنامج " Sold Out" مع الإعلامي محمود سعد:  "مغيرتنيش الشهرة وبعتبرها جزء من نعم ربنا، وفيه ناس بعد ما بيوصلوا لمرحلة الشهرة بيبدأ يزهق ويتخنق ويتضايق، لكن في الأول بيجري ويلهث وراها ولما بتجيلهم بيزهقوا، دي نعمة بشكر ربنا عليها وعمر ما كان حب الناس والجمهور حاجة تزهق من أول المشوار الهدف بتاعنا نوصل للحتة دي".

وأضاف: "كانوا مسميني زمان مطرب كشكول في حي روض الفرج في شبرا، كنت بغني في الأفراح في حواري وفوق أسطح البيوت؛ عشان بغني أغاني الناس القديمة ست أو راجل، فالكشكول ده عبارة عن إيه؟ تراثنا، عايز تبقى متفوق فلازم يبقى عندك رصيد أكبر، مينفعش حد يقولك غنيلي تفضل تغنيله نفس الأغاني".