فيفي عبده: «ناس مُتعلمين وكبار بعلمهم الرقص وبياخدوا دروس»
كتب: نسرين إبراهيم
أكدت الفنانة فيفي عبده، أنها ليست ضد تقديم سيرتها الذاتية للجمهور، كما تحترم الرقص الشرقي وترى أنه ذات قيمية كبيرة.
وقالت فيفي عبده: "الرقص الشرقي له القيمة بتاعته.. دلوقتي أي حد عايز يتريق أو يقول كلمة بايخة يقولي إيه هتشتغلي رقاصة؟.. يعني مالها الرقاصة، الرقص الشرقي ده ليه قيمته، والأجانب بتحبه وناس متعلمين كبار جدا بييجوا يأخدوا دورس مني في الرقص الشرقي مش مني، ومن كل الناس اللي بيدربوا".
وعن إمكانية تقديم كتاب عن سيرتها الذاتية: "أه طبعا بس مش كتاب.. أنا عايزة أحكي بنفسي ولكن أكتب وحد يحرف".
وطمأنت فيفي عبده، الجمهور على حالتها الصحية، قائلة: "الحمدلله والله أنا زي الفل الحمدلله رب العالمين، انتوا بيتحبوني وبتاخفوا عليا زيادة بس، بحبكم أنا كمان وأكتر شوية كتر خيركم".
وعن الجدل في الفترة الأخيرة حول الساحة، قالت في تصريحات لبرنامج "رؤيا مصر": "أنا واحدة في الساحل من زمان جدًا، أيام ما كانت بتجري فيه العرس والفئران، وكان سعره بالنسبة لنا عادي وكان عادي بالنسبة لأي حد بيتعب بيشتغل، ودلوقتي أصبح جنة على الأرض".
جدير بالذكر أن آخر أعمال فيفي عبده الفنية، كان مسلسل "شغل في العالي"، والذي عُرض في 2022، وشاركها البطولة شيرين رضا، مروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.
اقرأ أيضا: حسن فؤاد: «بقيت إمام جامع لما تركت الفن»
View this post on Instagram
