برنسة عبد الغني تناشد الفنانين: مش لاقية حق العلاج ودلوقتي بشحت ساعدوني
كتب: نسرين إبراهيم
ناشدت الفنانة برنسة عبد الغني، أشهر كومبارس في السينما والتلفزيون، الفنانين حول ضرورة مساعدتها خاصة في ظل الظروف الاقتصادية الصعبة، إذ أنها تعيش فترة عصيبة في الوقت الحالي.
وقالت "عبد الغني"، خلال تصريحات نقلتها قناة العربية: "أنا محتاجة حد يساعدني، لو مش أنتم اللي هتساعدوني مين هيساعدني، أروح أرمي نفسي تحت الكوبري عشان يودوني دار المسنين، أنا مش عاوز أقعد في دار المسنين يا جماعة".
وأضافت برنسة عبد الغني، أنها تعبت جدا في الفترة الأخيرة بسبب الحالة المادية، ولم تتلقى أي عروض ولم تشهد أي أعمال جديد، متابعة: "أنا دلوقتي بشحت يا جماعة، وبكلم مدير أعمال ياسر جلال، وبكلم أكتر من شخص علشان يساعدوني، وصلت أن بكلم بوفيه عشان يبعتلي فلوس".
وتابعت: "أنا مش عارفة هفضل أشحت لغاية إمتى، أنا محتاجة أرجع الشغل ومعاش، أنا تعبت من القعدة في البيت، وتعبت من المصاريف، أنا بجيب علاج في الشهر بألف جنيه، وكل لما بيجيلي فلوس بشتري العلاج".
وأكدت أن الفنانة عبلة كامل حينما كانت متواجدة في الساحة الفنية، كانت دائما تأخذها معها في الأعمال الفنية والدرامية، وكذلك الفنانة ماجدة زكي، "ناس كتير كانت بتراضيني، والفنان ياسر جلال كان بيراضيني برده، ولكن خلاص دلوقتي مش عارفة أكلم مين للأسف".
وطلبت من الفنان محمد رمضان وغيره من الفنانين مساعدتها، قائلة: "يا أستاذ محمد رمضان أنا برنسة، انت كنت بتراضيني لما بتقابلني في الاستوديو، أنا بتصل بأخوك الأستاذ محمود رمضان مش بيرد عليا، وبعتله رسالة على الواتس مردش عليا، ربنا يسعدك ويخليلك ولادك اسأل عليا، أنا محتاجة لكم أوي".
اقرأ أيضا: بعد خضوعه لعملية في القلب.. ابنة الشاعر عنتر هلال تكشف تفاصيل حالة والدها الصحية
