«بسبب ابعتهاله».. مصطفى كامل يهدد محمود الليثي ورضا البحراوي بالإيقاف

أوضح نقيب المهن الموسيقية مصطفى كامل، استياءه من الألفاظ التي يقولها البعض من المطربين خلال الأفراح التي يشاركون بها.

وقال مصطفى كامل، خلال لقاء تليفزيوني له أمس الأحد، قائلاً :"فيه ألفاظ متدينة بيقولوها المطربين، وبيقفوا على المسرح زي الجزارين، يقولوا إحنا أبطالها لحد ما نبطلها، وابعتها له".

وأضاف قائلاً :" الأمثلة دي حاصلة من الناس، منهم رضا البحراوي ومحمود الليثي، من الأيام الجاية هيكون فيه انضباط الفن المصري، بدأ من نقابة المهن الموسيقية كله جاي، الناس دي هتقف عند حدها، ومليش دعوة بجمهورهم ومعايير الشهرة".

وعما اتخذته النقابة من اجراءات ضد عمر كمال و حمو بيكا، قال: " أنا بحب عمر كمال وحمو بيكا لكن اللي حصل ده تهريج، ولا رجعة في أي قرار خدته، وحمو بيكا حلف لي وبقاله 4 أيام بيكلمني ويبكي في التليفون، بس مفيش راجعة في القرار".

مستكملا حديثه قائلاً :" كلمت حمو بيكا قلت له، أنتوا خلاص محدش بقا بيعرف يستفزكم، بقيتوا بتتعاملوا معاملة محمد فؤاد، أو مصطفى كامل، ليه عملتوا كدة؟ هما مش هاممم الغرامة، لكن عايزين يشتغلوا، وأنا أقسمت هيكون مصيرهم زي كزبرة بتاع علي الطلاق".

وانهى حديثه قائلاً :" كانوا بيعملوا فيديوهات بدون ملابس، ويدوا بعض بالأقلام، أنا منعتهم، في زمني مش هيحصل الكلام ده تاني، مش عاملها للمسرح الغنائي بس، أنا بهذب السلوك، السلوك ده مش هيمشي معايا، أنا نبهت عليهم كمان ياخدوا بالهم من هذه السلوك خارج البلد، لأن برة أنت فنان مصري، أي خطأ برة العقاب هيكون ضعف عقابك هنا".