بعتذر لبنتي عن سخافتي.. منى زكي تتحدث عن تجربة الأمومة

تحدثت الفنانة منى زكي، عن حياتها الشخصية سواء عن زوجها أحمد حلمي أو تعاملها مع أولادها في المنزل، وذلك خلال لقائها في برنامج «كلام نواعم» المذاع عبر شاشة تلفزيون إم بي سي 1.

كشفت منى زكي، أنها كانت شديدة القسوة في تربيتها لابنتها لي لي أكثر من أولادها، خاصة أنها أول طفلة لها، قائلة: «بعتذر لبنتي عن سخافتي معاها؛ لأني كنت شديدة معاها أكتر من أخواتها الولاد».

وتابعت: «كانت أول بنت ليا وأنا صغيرة في السن وكنت شايفة إن الصح صح وكل حاجة بنظام وعقاب بعتذرلها طول الوقت».

وتابعت منى، أن طريقة تربيتها لابنتها كانت خاطئة، كما أنه مع الوقت اكتشفت أنه لا يوجد عقاب بل عواقب الناتجة عن أفعالك، مشيرة إلى أنها طوال الوقت تذكرهم بالعواقب.

وأضافت منى خلال لقائها في كلام نواعم: «أنا بتعصب لأن كلنا بنتعصب إحنا بني آدمين برضو، بتعصب بس برجع اعتذرلهم».

أما عن إحساسها بالنجاح والفشل، قال منى: «شغلتنا صعبة جدًا بالذات إحباطها وحش جدًا ونجاحها حلو بزيادة».

وتابعت: «النجاحات عندنا بتبقى قوية جدًا وأنتي لو مش شخص عاقل وعندك إحساس ازاي تبقي ثابتة مهما حصل من مغريات وأضواء هتتجنن».

وأضافت: «الأحاسيس اللي بتيجي بسبب الشغل لما يجيلك اكتئاب بعد فشل حاجة أو كده مهم أوي الطرف الآخر يسندك بس في نفس الوقت مهم متأڤوريش في الإحساس وتفخمية وتحاولي تعدي الإحساس ده».

اقرأ أيضًا: دياب: «أمير كرارة وش الخير عليا .. وأنا لسا معملتش حاجة في الغناء»