بعد انتقاد طارق الشناوي لأولاد حريم كريم.. مصطفى قمر يوجه الشكر لـ عمر عبد العزيز: ناس بتفهم

أعرب الفنان مصطفى قمر عن سعادته الشديدة بسبب رأي المخرج الكبير عمر عبد العزيز في فيلمه الجديد أولاد حريم كريم، الذي يعرض الآن بجميع السينمات في دور العرض.

وأعاد مصطفى قمر نشر رأي المخرج عمر عبد العزيز في فيلمه أولاد حريم كريم، الذي جاء كالتالي: ألف مبروك للمخرج علي إدريس، وللسيناريست زينب عزيز، على فيلم أولاد حريم كريم، فيلم مبهج في زمن غير مبهج، كما قال الفنان مصطفى قمر: شكرا للنقد الصادق البناء، ناس مثقفة وبتفهم وعندها ضمير ومتصالحة مع نفسها وبتكتب نقد بجد والأهم شافوا الفيلم وقالوا رأيهم.

وكان الناقد الفني طارق الشناوي انتقد فيلم أولاد حريم كريم، وقال: فيلم أولاد حريم كريم من أسوأ الأعمال الفنية على الرغم من أن مخرجه علي إدريس مخرج مهم، وزينب عزيز كاتبة مهمة، ولكن اللى عملوه ملهوش علاقة بالجزء الأول.

اقرأ أيضاً: تصل لـ 65 ألفا.. أسعار تذاكر حفل بهاء سلطان وكارول سماحة

وعلق مصطفى قمر على طارق الشناوي، قائلًا: هو أنا مش طلبت منك تبعد عني أصلا، وماتتكلمش عني علشان ماتتهزأش، طيب أنت اللي جيبته لنفسك، عموما ياللي اسمك طارق أنت كاتب كلام أهبل يدل للمرة المليون إنك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق أو مصلحة أي فيلم تاني، وفكرني كدة شغلتك إيه….؟ هي من أربع حروف بيتهيألي".