بشرى عن طارق الشناوي: «من أمتى بيمدح حد؟.. وأولاد حريم كريم جماهيري»

علقت الفنانة بشرى على انتقاد الناقد الفني طارق الشناوي، لفيلم "أولاد حريم كريم".

وقالت بشرى خلال مداخلة تليفزيونية بها، "اسألوا الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا".

وأضافت، قائلة: "في بعض النقاد آرائهم انطباعية مش تحليلة بشكل علمي بتحسس الناس أنهم مشافوش الفيلم أصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور، أصل ده فيلم مهرجانات ولا صوت يعلوا فوق الجمهور هو اللي بيحدد".

واستطردت، عن الناقد طارق الشناوي، :"مفكرتش أكلم طارق الشناوي ولا ألومه ومن إمتى وهو بيمدح أساسا، أنا عندي مبدأ في الحياة اسمه سيري يا نورماندي، مهما حصل مبقفش لكن هو زميل ومعايا في كذا لجنة تحكيم، ولكن مبنتظرش منه مدح يعني".

وقد انتقد الناقد الفني طارق الشناوي، فيلم "أولاد حريم كريم"، مؤكدًا على أن الفيلم لم يكن بالمستوى الفني المطلوب وعلى أبطاله مراجعة أنفسهم.