شيرين عن شائعات مرضه: «عادل إمام بخير وبيرد عليا.. وكفاية تجيبوا سيرته بحاجات وحشة »
كتب: نسرين إبراهيم
كشفت الفنانة شيرين، عن الحالة الصحية للفنان الكبير عادل إمام، بعد الشائعات التي طالته في الفترة الأخيرة، مؤكدة أنه بصحة جيدة، ويتابع الحركة الفنية باستمرار.
أضافت خلال لقاءها مع الإعلامي عمرو الليثي في برنامج واحد من الناس على قناة الحياة: «أنا بكلمه وبسأل عليه وهو كويس وبيرد عليا وبالنسبة لاصابته بالزهايمر فأعوذ بالله».
وأضافت شيرين: «لكن تحية كبيرة من قلبي وروحي وعقلي للأستاذ عادل إمام، ومدام هالة زوجته وربنا يديله الصحة ويسعده دايمًا بأولاده ويفرحك بيهم كمان وكمان».
وتابعت: «تحياتي لرامي وسارة ومحمد أنا بحبكم كلكم لأن بابا ده هرم كبير وعظيم، ربنا يخليه لمصر ودايماً فخورين بيه، ويارب الناس تبطل تجيب سيرة الرموز بحاجات وحشة ويارب يحترموا نفسهم شوية ومش كل شوية يموتنا لو مضايقين مننا يقولولنا، يعني جمعونا كلنا في ميدان وموتونا لكن حرام عليكم تتعبوا أعصابنا وتفولوا علينا».
اقرأ أيضا: طارق الشناوي لـ «العاصمة»: التمثيل المبالغ فيه بسبب المخرج وليس الممثل
