رانيا يوسف: «الستات استرجلت لإن الرجالة خابت»

كشفت الفنانة رانيا يوسف عن رأيها في قضية مسلسل "تحت الوصاية" لـ الفنانة منى زكي، كما تحدثت عن أزمتها مع طليقها محمد مختار.

وتحدثت رانيا يوسف، خلال لقائها مع برنامج Et بالعربي، قائلة :" هناك مناقشة لقانون الأحوال الشخصية، خاصة بعد مسلسل تحت الوصاية لمنى زكي اللى صنع خطوة هامة جدا بالنسبة للوصاية والستات اللي معاهم أطفال، وفي حاجات كتير لازم تتغير في قانون الأحوال الشخصية، لأن احنا لازم نعمل تحديث، البشر بيعملوا تحديث وخاصة الرجالة لما بيفتروا علي الستات بيعملوا تحديث افتراء، واحنا كمان لازم نعمل تحديث مساواة علشان نقدر نوزن الحياة". 

وتابعت رانيا يوسف، قائلة: "خلافاتي مع طليقي محمد مختار أبو بناتي متحسنتش، ولسه زي ما هي وفيه تقصير منه في الوقت والفلوس، لما بيشوفوني اني امرأة قوية ومستقلة وجامدة وأقدر اتحمل بيرموا الحمل عليه، واحنا كستات لما بنلاقي الطرف الاَخر بيقصر ناحية واجباته احنا بنبقى الستات والرجالة في نفس الوقت، وهي دي المشكلة وبعدين يقولوا الستات استرجلت ليه لإنه للأسف الرجالة خابت وهي دي المشكلة".

مشاركة رانيا يوسف في فيلم "ورد وريحان"

وكما تنتظر رانيا يوسف عرض فيلمها الجديد "ورد وريحان"، خلال الفترة المقبلة، والعمل من إخراج محمد نبيل، والفيلم يشارك في بطولته عدد كبير من الفنانين، أبرزهم: أحمد الفيشاوي، رانيا يوسف، محسن بن منصور، أسما سليمان، عمرو عبد العزيز وغيرهم.