أنغام تنفي خلافها مع شيرين.. وتكشف عن نص الرسائل المتبادلة بينهما
كتب: شاهيناز خليفة
كشفت المطربة أنغام، حقيقة خلافها مع شيرين عبدالوهاب وصراعهما على لقب «صوت مصر»، خاصة بعد رسالة شيرين لها في حفل «ليلة الدموع» بالسعودية، والتي اعتبرها البعض أنها رسالة تحمل عتاب وليس شكر.
وكشفت أنغام في تصريحات صحفية، نص الرسائل المتبادلة بينها وبين شيرين عقب حفل «صوت مصر» عبر الواتساب.
وبادرت شيرين بإرسال رسالة تهنئة لها، قائلة: «مساء الخير يا حبيبة قلبي، أنا شيرين، لما تفضي في أي وقت كلميني علشان عايزة أباركلك على الجمال والعظمة، صوت مصر وصوت الوطن العربي كله، تستاهلى كل خير».
لترد عليها أنغام قائلة: «يا شيري عاملة إيه يا حبيبتي، الله يبارك فيكي يا حبيبتي تسلمي لي، أنا في المطار طالعة الطيارة وراجعة القاهرة، عايزة أشوفك يا بنتي وحشتيني، يارب تكوني بألف خير يا حبيبة قلبي، بوسي لي البنات».
وردت عليها شيرين مرة آخرى، قائلة: «يا حبيبة قلبي توصلي بألف سلامة يارب، وأنا كمان عايزه أشوفك ونفسى أتكلم معاكى، بس اللي حصل إمبارح حاجة تفرح كدة، وأقل من قيمتك على فكرة، إنتي قيمتك أكتر من كده بكتير».
وتابعت شيرين في رسالتها: «أنا فرحت قوى إن في السعودية يعملولك حاجة زي كدة، بس المفروض في كل حتة بتغنى فيها يتعملك كدة، فألف ألف مبروك وربنا يديم عليكي يا رب نعمة الصوت الحلو، والصحة ويخليلك عيالك، ويزود رزقك ويعوضك عن كل حاجة وحشة حصلت في حياتك».
اقرأ أيضًا: ميريهان حسين تكشف حقيقة زواجها.. وتتمنى العمل مرة آخرى مع محمد رمضان (صور)
