طارق الشناوي ينتقد أغاني عمرو دياب: «بياخدوا الحكم اللي على التكاتك» (فيديو)

تحدث الناقد الفني طارق الشناوي، عن رأيه في أغاني الهضبة عمرو دياب الأخيرة، وذلك خلال لقائه في برنامج ملفات التي تقدمه الإعلامية أميرة بدر.

وقال الشناوي خلال لقائه: « ممكن يفشل ليك عمل أو غنوة وتلاقي الموجة مختلفة فتستوعبها زي عمرو دياب، وأحيانًا الشعراء اللي مع عمرو دياب بياخدوا الحكم اللي على التكاتك ويحطوها في أغنية في ملعب عمرو دياب».

وأضاف: «ممكن ياخدوا من موسيقة المهرجانات ويضيفوها للون عمرو دياب علشان يستمر على القمة، والاستمرار على القمة بيحتاج دايمًا أنك تستقبل الجديد، ولو عشت في حالة إن في مؤامرة وخناقة مش هتعمل حاجة».

وعن خلافه مع الفنان مصطفى قمر، قال الشناوي: «أنا زعلان على مصطفى قمر مش زعلان منه، وعلشان كده هاخد إجراءات نقابية وقانونية، طالما وصلنا لمرحلة السب والقذف العلني.. ملهاش حل غير القانون».

وكان طارق الشناوي وصف فيلم "أولاد حريم كريم" الجديد بالفاشل، وذلك أغضب مصطفى قمر ليهاجمه، مؤكدًا أنه لا يحتاج رأيه في أفلامه ومن الأفضل آلا يتكلم.

وبرر مصطفى قمر هجومه على طارق الشناوي خلال تصريحات صحفية، قائلا: «النقد يعني أقول مظاهر الجمال ومظاهر الضعف والأخطاء، وأتكلم عن الإخراج والتصوير والأداء والحبكة، هو حر أنه يقول أسوأ فيلم لكن أنه يقول مصطفى قمر مطرب فاشل دا اللي ضايقني، إحنا نجوم وبنمثل بلدنا بفننا المحترم الراقي، لكن اتبهدل في بلدي ويتقال كلام وحش عني ونتكرم من إخواتنا وحبايبنا في البلاد التانية».

اقرأ أيضًا: بعد الصلح.. نوال الزغبي عن محمد رمضان: محترم ولذيذ