هشام ماجد: «أحمد مكي من أجدع الشخصيات اللي قابلتها.. وبرتاح في الشغل مع شيكو»

كشف الفنان هشام ماجد، عن علاقته بـ أحمد فهمي وشيكو، كما كشف عن رأيه في عدد من الفنانين الذي سبق وتعاون معه والمقربين لقلبله.

وقال هشام ماجد بـ بودكاست بتاع أفلام، الذي يقدمه أحمد كمال على يوتيوب: "افتقدت شيكو في فيلم حامل اللقب، لأنه بيفهمني جدًا وبرتاح في التمثيل معاه، واللي صبرني إننا دايمًا مع بعض في أفلامنا".

وأضاف: "في فيلم ورقة شفرة كنت هعمل دور فهمي وهو يعمل دوري، وفي بنات العم، أحمد فهمي كان رافض يعمل دوره في البداية بسبب ظهوره كراقصة، ولكنه اقتنع في النهاية وحقق دوره نجاحًا كبيرًا."

وتابع: "ورقة شفرة كان فاتحة خير في مشواري وسمير وشهير وبهير أكتر فيلم الناس بتحبه ليا أنا وشيكو وأحمد فهمي، واستكمل : كتبت أنا وفهمي فيلم بوشكاش وإحنا بناكل سمك وجمبري، وبعتبر محمد سعد أستاذي، ودخلت فيلم بوحة 3 مرات".

وتحدث هشام عن علاقته بـ أحمد مكي، قائلًا: "أحمد مكي من أنضف وأجدع الشخصيات اللي قابلتها وهو من الشخصيات اللي دايما بتوحشنا عشان بيغيب عننا، ونفسي أشتغل معاه تاني، وفيلمه الحاسة السابعة لو نزل دلوقتي هيكسر الدنيا".

وعن دنيا سمير غانم، قال: "دنيا سمير غانم أكثر فنانة بحب أشتغل معاها، أما سمير غانم فبعتبره أسطورة، وهو أول واحد دعمنا في بداياتنا، وسعيد إن آخر مشهد له في السينما كنت معاه فيه".

أما عن أقرب المخرجين لقلبه، قال: "معتز التوني وأحمد الجندي أشطر مخرجين في منطقة الكوميديا، وبستمتع بالشغل معاهم واللوكيشن بتاعهم بيكون هادي، وبحب كمان شغل خالد ووليد الحلفاوي".

اقرأ أيضا: تعرّف على سبب سحب فيلم "تاج" من السنيمات