نجلاء بدر: بقالي فترة متعاكستش.. والست زي الجمل «خزان أحزان»

كشفت الفنانة نجلاء بدر عن رأيها في علاقة المرأة والرجل، كما تحدثت عن سيدات المناطق الشعبية.

وقالت نجلاء في تصريحات تلفزيونية: بالنسبة لمين اللي نكدي؟.. «آه فعلا الست هي اللي نكدية، علشان إحنا مخزون مشاعر فدايمًا عندها ذاكرة بتخزن، عارفة الجمل، بتخزن الأحزان هي لما بتفتح ما بتقفلش هي بتستدعى دايما النكد بصراحة، الراجل ما بيحبش يوقف عند النكد هو الراجل فرفوش أكتر مننا وما بيحبش المشاكل وما بيحبش حد يحاسبه أو يعاتب.

وأضافت: بقالي فترة متعاكستش.. والســت الحلوة معاها شهادة مرور واللي في المناطق الشعبية ستات قادرة وبـ 100 راجل أي حد يدوسلهم على طرف يرفعوله الشبشب، الست الحلوة بتأخد حقها من غير خناق .. يعني تدخل مطعم ألف مين يجبلها كرسي.. ولو واقف في طابور الكل بيعزم عليها حتى الستات بيعملوا لها حساب

وكانت آخر أعمال الفنانة نجلاء بدر كانت مسلسل تلت التلاتة، المسلسل تدور قصته في إطار درامي، يتناول العمل قصة ثلاث أخوات توأم تعمل كل منهن في مهنة مختلفة، وتدور بينهن العديد من الأحداث المثيرة، المسلسل من بطولة غادة عبد الرازق، ماجد المصري، محمد القس، مصطفى درويش، صلاح عبدلله ومي سليم، العمل من تأليف هبة الحسيني، ومن إخراج حسن صالح.