إنجي المقدم: «كنت بقفل وداني بسبب خناقات أبوبا وأمي وأنا طفلة»

كشفت إنجي المقدم للمرة الأولى بعض التفاصيل عن حياتها الشخصية، وعلاقتها بأسرتها السابقة وما هي مخاوفها.

وقالت إنجي المقدم خلال حوار لها مع برنامج" THE YOU IN HUMAN"، المذاع عبررموقع اليوتيوب، :"أنا عندي خوف من حاجات كتير أوي، عايشة بخوف، بخاف من المجهول والمستقبل والطيارة وبخاف على ولادي جدا، وده بسبب كذا تروما حصلت لي وأنا صغيرة، زي مثلا أن أخويا توفى قدامي وهو سنتين ونص وأنا كان عندي 6 سنين، ودي كانت صدمة".

وأضافت، قائلة: " أهلي ماكنوش عايزين يبينوا لي أي حاجة، وبيمثلوا أنهم كويسين بس أنا كنت حاسة بحزن أمي.. وأنا وأخويا كنا بنام في أوضة واحدة عشان أعرف أنام كنت بتخيل أن ده محصلش وهما بيدفنوه الراجل هيلاقيه  صاحي بعد ما كل الناس مشيت وخده ورباه ولما نكبر هنتقابل تاني، فيلم عربي بس عشان أعرف أنام".

واستكملت، قائلة: " وكان عندي تروما من خناقات أمي وأبويا مع بعض، من كتر صوتهم كنت بقفل وداني، وطلاقهم حصل وأنا عندي 14 سنة، وحصلي تنمر وأنا صغيرة في النادي والمدرسة كتير أوي في الوقت اللي حصل فيه الطلاق".