منال الفطاطري عن زوج ابنتها محمد فراج: شخص مُسالم وبنتي متمسكة بحقوقها
كتب: نسرين إبراهيم
تحدثت الفنانة المعتزلة منال الفطاطري، والدة الفنانة بسنت شوقي، عن طبيعة علاقتها بالفنان محمد فراج زوج الأخيرة، وعن إذا كانت تلعب دور الحمى معه.
وقالت منال الفطاطري في تصريحات تلفزيونية: "أعمل حمى على محمد فراج إزاي ده شربات، وأنا مينفعش أعمل حمى، أنا بحب أوازن بينه وبين بسنت لأنه حبيبي أوي وهو طيب ومُسالم جدًا وبياخد قلبي، هما الاتنين طيبين بس بسنت الجيل الجديد عارفة حقوقها كويس ومتمسكة بيها، وفراج راجل وابن بلد".
وعن موقفها من الشائعات التي تطاردهما، قالت: "مقلقتش من الشائعات اللي بتطلع عليهم لأننا متعودين عليها، وبقى عندنا شماعة الحسد، محسودين إيه ما فيه حاجات نشتغل عليها، ومش عايزين نستعمل الحسد كشماعة مع إنه مذكور في القرآن، وهما الاتنين ما شاء الله ناضجين أوي ومسؤولياتهم كتير أوي ولكن عارفين ينظموا حياتهم وربنا يعينهم عليها".
أما عن الشخصية التي كانت تتمنى تقديمها، فعلقت منال الفطاطري: "كان نفسي أعمل دور فاتن حمام في فيلم نهر الحب، ودلوقتي خلاص مبقاش عندي أصحاب في الوسط الفني، غير الفنانين اللي اشتغلت معاهم زي تيسير فهمي وداليا البحيري ونرمين الفقي، ومكنش عندي وقت أعمل صداقات في الوسط ودي من الحاجات اللي زعلانة عليها".
اقرأ أيضا: تامر حسين: عمرو دياب جرئ ومحدش يقدر يتدخل في اختياراته
