منى عبد الغني توجه نصيحة للفتيات: «إوعى تخلي شاب يضحك عليكي ويقولك إنتي مراتي»

حرصت الفنانة والإعلامية منى عبد الغني، على توجيه نصيحة للفتيات مطالبة إياهن بالمحافظة على كرامتهن، مؤكدة أن هناك أشياء أصبحت جديدة على مجتمعنا ويجب عدم اتباعها.

وقالت منى عبد الغني في برنامجها "الستات ما يعرفوش يكدبوا" عبر قناة سي بي سي: "لكل بنت هقول لك كلام يحفظ كرامتك ويعززك، إوعى تخلي شاب يضحك عليكي بكلمتين، ويقول لك إنتي مراتي وهتجوزك، ويجي وسط صحابك يعمل لك مفاجأة ويركع على رجله ويديكي خاتم وصحابك يفرحوا ويهللوا ويقولوا دي محظوظة".

وأضافت منى عبد الغني: "الحاجات دي جديدة على مجتمعنا وثقافتنا (وليس البر بأن تأتوا البيوت من ظهورها ولكن البر من اتقى واتوا البيوت من أبوابها واتقوا الله لعلكم تفلحوا)،.. هو الشخص ده لما بيعمل لك المفاجأة دي بتقولي لوالدك إيه! أنا اتخطبت؟".

وتابعت: "اللي بيحب حد بيخبط على الباب ولو كنتي سهلة في العلاقة سنة واتنين هيكون عارف إن مش ممكن تكوني أم ولاده والجوازة هتفشل ده لو اتجوزك، الواحد لو اتقدم لواحدة بشكل رسمي بيكون فيها احترام وكرامة.. الراجل بيحترم البنت اللي بتحترم أهلها وبتحافظ على نفسها وبيشيلها في عينه لأنه عارف إنها هتصون بيته وولاده وممكن يخرج ويسهر بس يرجع يقول لا دي ما تنفعنيش هو عاوز واحدة تصون بيته".

واختتمت منى عبد الغني حديثها قائلة: "مفيش مشكلة تحبوا بعض في النور في حدود الاحترام والأسرة.. عاوزين نرجع لقيمنا الجميلة ونستحي من ربنا ونرجع لعاداتنا وتقاليدنا".

اقرأ أيضا: محمد محمود: «اشتغلت مدرس لغة إنجليزية قبل الفن وضحيت بمهنتي بسبب التمثيل»