رشا سامي العدل تكشف اللحظات الأخيرة في حياة شقيقها أحمد

كشفت رشا سامي العدل، ابنة الفنان الراحل سامي العدل، تفاصيل اللحظات الأخيرة في حياة شقيقها الراحل أحمد العدل، والذي وافته المنية بشكل مفاجئ.

ونشرت رشا سامي العدل، عبر حسابها بموقع التواصل الاجتماعي، فيسبوك، منشور، قالت خلاله: قاعدين على البحر في دهب في ساعة غروب بنضحك وبنعيط سوا ونشتكي لبعض قد إيه أبونا وحشنا وقد إيه الحياة من غيره صعبة فضفضنا لبعض ووعدنا بعض بحاجات كتير.

وأضافت: رجع القاهرة على وعد بلقاء قريب نتجمع فيه تاني، وجيه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايدين على عمره عمرين مش عارف يتنفس وكلامه بصعوبة، قعدت أكلمه وأضحكه وأحاول أهون عليه شوية واسيبه يرتاح شوية.

واستكملت عن أحمد سامي العدل: وفي عز محاولاتي نقله لمستشفى تانية فقد نبض قلبه لثواني قدامي، اتخضيت الدكاترة طمنوني وقالوا مفيش حاجة أهو زي الفل، بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه، يا دوبك لفيت ظهري ولسة هاخرج اشوف موضوع الإسعاف ونقله.

وأنهت حديثها: لقيت دكاترة وممرضين في كل حتة حوالين أحمد بيحاولوا ينعشوه 38 دقيقة على الساعة محاولات وأنا واقفة قدامه قلبي بيتقطع وروحي أنا بتطلع مني ماسكة في خيط أمل من الدخان اتقطع بـ آخر نفس منه وراح أحمد، أخويا الصغير الطيب الحنين الهادي.