عنبة عن انتقادات ظهوره مع صاحبة السعادة: «أنا منفعش أكون قدوة عشان فقير ومن منطقة شعبية»

رد مؤدي المهرجانات عنبة على الانتقادات التي تعرض لها عبر مواقع التواصل الاجتماعي بسبب ظهوره في برنامج "صاحبة السعادة" مع الإعلامية إسعاد يونس.

وعلق عنبة على انتقاد إحدى المتابعين ظهور عنبة في الحلقة، قائلة: "طب مايان السيد دي نجمة ومثال، إنما عنبة ده إزاي؟ في أهم منه بكتير، رصيده مسلسل ومكنش بيعرف يمثل، ده مش مثال ده بيحرض على العنف في أغانيه.. ده مش قدوة بجد شيء مؤسف".

وجاء رد عنبة كالأتي: "دي غلطة كبيرة فعلًا يا غفران، المرة اللي جاية هيبجبوك إن شاء الله لأنك قدوة، إنما عنبة ده عشان فقير وطالع من منطقة شعبية مينفعش، يع عليا بجد".

وكان قد حل مؤدي المهرجانات عنبة ضيفًا عبر برنامج الإعلامية والفنانة إسعاد يونس، وتحدث عن مشاركته في مسلسل "1000 حمد الله على السلامة"، إقائلاً: "جالي حاجات كتير عشان أكون بطل العمل، ودا مستحيل  لأني ببتدي من الصفر، ولما جالي المسلسل مع يسرا دا بالنسبالي كان حاجة كبيرة أوي وشجعتني، وفي أول مشهد بيني وبين يسرا كنت داخل بزعق فيها، فشيلت الخوف من أول المسلسل، وأول مرة اشتغل في التمثيل وليس لي اي تجارب في عالم الفن، ولم أحصل على كورسات تمثيل او حتى ورش".