مكالمة لن ينساها محمد شردي لمنى الشاذلي
كتب: مؤمن نصر
كشف الإعلامي محمد شردي عن موقف لن ينساه للإعلامية منى الشاذلي، حين دعمته في وقت صعب في مسيرته المهنية قبل نحو 13 عاماً.
وأوضح شردي خلال حلوله ضيفًا على برنامج "معكم منى الشاذلي" على قناة ON، أنه تجمعهما علاقة صداقة منذ سنوات طويلة، قائلا: "أنا وأستاذة منى أصدقاء منذ فترة طويلة، كنت دايماً بحب أكون ضيف عندها وأنا سياسي، ثم لما بقينا زملا إعلاميين، ولو تعرفوا معنى كلمة إن منى الشاذلي تصبح صديقة.. دي حاجة كبيرة".
تابع: "أنا مش هنسالها مكالمة تليفونية في يوم أخدت فيه قرار من 13 سنة لما انسحبت من الانتخابات في 2010 قبل الثورة، والوحيدة اللي اتصلت بيا تسأل عليا اليوم ده وتقولي أخبارك إيه هي أستاذة منى".
أضاف: "الوحيدة التي تجرأت في عز جبروت كل اللي كان بيحصل لنا وترفع سماعة التليفون وتقولي أخبارك إيه ونويت تعمل إيه في الضغط اللي كان عليك كانت أنتي.. ومنسهالكيش أبداً".
وبسؤالها عن مدى تذكرها لتلك المكالمة، أجابت منى الشاذلي: "مش فاكرة أوي، بس تيجي مني عادي.. لكن الأهم من إني أنا افتكرها هو إحساسي بالامتنان إن أنت فاكرها".
اقرأ أيضاً: "منى الشاذلي" تكشف الوجه الآخر لـ "محمد شردي" في مجال الزراعة
