إيمي سمير غانم: مش بحس دمي خفيف زي بابا
كتب: نسرين إبراهيم
كشفت الفنانة إيمي سمير غانم، عن ما ورثته فنيا هي وشقيقتها الفنانة دنيا سمير غانم من والدهما الراحل سمير غانم في الكوميديا والتمثيل.
وقالت إيمي سمير غانم خلال برنامج "كلام نواعم": مش بحس بضغط لما بتقارن أنا أو دنيا بوالدي سمير غانم، لأن تاريخهم حافز ويساعد.. ولما تاخدي من حب الأب والأم دي ميزة والناس حبتني.
وأضافت إيمي: عمري أنا ودنيا ما هنجيب ربعهم ومينفعش ومش صح يقارنونا.. ويقارنوا شباب دلوقتي بعادل إمام وفؤاد المهندس أوعبد الحليم حافظ أو إسماعيل ياسين، بس احنا بردو مينفعش نتحط في مقارنة.
واستكملت إيمي حديثها: لما إنتي تبقي موهوبة ومتبقيش دمك تقيل وفارضة نفسك.. والحمد لله حب الناس بيفيد مع أن الأبناء عندهم موهبة، مش بحس إن دمي خفيف زي بابي.. وفي ناس بقيت غريبة جدًا وبتعمل مقارنة وبتقول كلام مش حلو فمتركزوش مع الناس.
واختتمت إيمي حديثها: نفسي أكون الهادية والراكزة حاولت بس معرفتش، وجوزي غيري تماما وشايف إني عجوزة وأنا صغيرة.. ومع الأحداث بتاعة غزة بمسك التليفون وببقى مش عارفة أتنفس ومش بنزل ومش عايزة اتحرك وهو بيقولي افصلي ومش لازم تعيشي التفاصيل كده.
اقرأ أيضا: إيمان العاصي: ما يحدث في فلسطين إبادة جماعية
