حمزة نمرة: «مش عارف أنام من القهر.. ولما مسكت المصحف روحي هديت واتطمنت عليهم»
كتب: شاهيناز خليفة
تحدث الفنان حمزة نمرة عن الأزمة التي يمر بها أهالي غزة وفلسطين، خاصة بعد قصف مستشفى المعمداني والتي راح ضحيتها آلاف الأطفال.
وكتب حمزة نمرة منشورًا، عبر حسابه الشخصي بموقع التواصل الاجتماعي «فيس بوك»، قائلاً: «قلبي واجعني على اللي ماتوا، مش عارف أنام من القهر، فمسكت المصحف، وقرأت كلام ربنا، روحي هدأت واتطمنت عليهم».
وأضاف: «تخيلوا كل اللي كانوا في المستشفى، بآلامهم وأوجاعهم وعطشهم وجوعهم ولهفتهم على عيالهم وعياطهم وقلة حيلتهم.. في غمضة عين.. في أسرع من غمضة عين.. اتبدل حالهم لحال ما أعظمه وأجمله!، لنعيمك يا رب!، فرحين بما آتاهم الله من فضله، وخلاص.. مافيش خوف.. مافيش حزن.. مافيش كل العالم البائس المجنون ده».
واختتم حديثه، قائلا: «في غمضة عين بقوا منعمين في النعيم الأبدي، ومين يستحق أكتر منكم يا حبايبي؟، ياللي كل العالم.. كل العالم خذلكم ودور وشه الناحية التانية، الجنة طبعًا ليكم، أومال هتكون لمين؟ لينا؟ إحنا شيلتنا تقيلة أوي، لكن أنتم مين قدكم وقد فرحتكم دلوقتي، ألف حمد وشكر لك يا رب، يا عدل يا رحمن يا رحيم.. ألف ألف حمد وشكر.. آمنت يا رب بك وباليوم الآخر.. إنا لله وإنا إليه راجعون يقينًا».
اقرأ أيضًا: أنغام تهاجم إسرائيل بعد قصف مستشفى المعمداني في غزة (صور)
