«خايفة أموت وأنا مش جاهزة».. أسما شريف منير: «انتظمت في الصلاة ونفسي أتحجب»

أعربت أسما شريف منير عن استيائها وحزنها الشديد بسبب الأحداث في فلسطين، كما تحدثت عن خوفها من الموت وترددها في ارتداء الحجاب.

وتحدثت أسما شريف منير في بث مباشر عبر حسابها الشخصي بموقع انستجرام عن الأحداث في غزة، قائلة: "من ساعة اللي حصل في غزة وأنا خدتها عند مع نفسي والتزمت في الصلاة وبقالي 15 يوم ملتزمة وقللت خروجي جدًا ودي حاجة مريحاني جدًا، وكل مرة الصلاة بتريحني وبتلهي في الدنيا ولكن دلوقتي بحاول، ونفسي انتظم على الصلاة لغاية ما أموت".

وتابعت، قائلة: "الواحد يلتزم في الصلاة الأول وبعدين يغطي شعره، نفسي أعمل كده وربنا يهديني للحجاب وأنا خايفة أعمل حاجة تكون مثال مش كويس للحجاب، ودايمًا الواحد لما بيبدأ في الخيط الأولاني ومينفعش تنفره في الحاجة دي، ولازم دايمًا لما تشوف حد بيعمل حاجة ساعده وادعيله بالهداية، ولو أنت شايف حد أبو لهب افتح نفسه على الدين، واقتضى بالرسول عليه الصلاة والسلام".

واختتمت حديثها عن خوفها من الموت، قائلة: "بعد ما التزمت بالصلاة حسيت إني ممكن أموت عادي، أنا دايمًا خايفة من الموت لأني دايمًا حاسة إن ناقصني حاجات كتير قوي ومش عارفة هقف إزاي قدام ربنا، خايفة أموت وأنا مش جاهزة".