عمر كمال عن الغناء أثناء الحرب على غزة: «شغلي وأكل عيشي»

كشف المطرب عمر كمال، عن سبب قيامه بإحياء الحفلات في ظل الأحداث الحالية، لقطاع غزة، جراء القصف الإسرائيلي، على المدينة.

ونشر عمر كمال، عبر حسابه بموقع تبادل الصور والفيديوهات، بخاصية الاستوري، "مساء الخير على كل حبايبي وإخواتي، أنا بنزل شغلي عادي وشغال الحمد لله، لأن ده أكل عيشي ولازم أنزل أفرح الناس ولازم ألتزم بأي اتفاق قلته للناس، وكمان علشان ورايا حوالي 40 فرد بـ 40 أسرة شغالين معايا فاتحين بيوت".

وأضاف قائلاً: "لكن أنا بتأسف لأي حد بيعملي منشن في الاستوري بتاعته الفترة دي مش هقدر أقبله مراعاة لمشاعر إخواتنا في فلسطين ولكل إنسان حاسس حالة حزن على اللي بيحصل، ربنا يسعدكم يا رب ويا رب أكون قدرت أسعدكم في مناسباتكم سواء فرح أو حفلة بس سامحوني الفترة دي".

وكان قد علق على أحداث غزة، خلال الأيام الماضية قائلا: "أنا مبشاركش غير ببوستات أو برأي من وقت الأزمة على صفحتي وبفضل أكون بعيد لحد ما الأزمة تعدي عشان في ناس أهم مني 100 مرة ممكن تكلم في اللي بيحصل ده وتقول رأيها".