ريهام سعيد تهاجم اليسا بعد حفل ألمانيا.. أعرف الحكاية

هاجمت الإعلامية ريهام سعيد، الفنانة اللبنانية إليسا، بعد أن كشفت عن أسباب إحياءها للحفلات في ظل القصف على غزة خلال الأيام الماضية.

وقالت ريهام سعيد، خلال حلقة البرنامج الخاص بها، "صبايا الشمس"،" "إحنا مش بنزايد على وطنية حد، لكن في أصول بتجرحنا وتجرح غيرنا لما يلاقوا الحياة طبيعية".

وأضافت:" لما يبقى جارك عنده عزا وتعلي صوت التليفزيون أو ريحة الطبخ تظهر بنقول وطي التليفزيون والريحة عيب، علشان البيت فيه ميت".

واستكملت:" "إليسا وجهت لنا سؤال، وقالت مش هتوقف حفلات علشان أي حد فاشل، لكن هو مش فاشل، هو أي حد عنده دم مش هيعجبه الظهور في حفلة بكامل أناقتي ومكياجي".

وأشارت ريهام سعيد إلى طلب إليسا من جمهور حفلها الوقوف دقيقة حداد قائلة: "مفيش حد وقف دقيقة حداد، ومحصلش صمت والناس كانت بتضحك، لأنك لو رايح تسهر في حفلة مش هتقف دقيقة حداد، دي مش حفلة في الأوبرا".

وكانت إليسا، علقت على قيامها بعملها في ظل الأزمة العربية الحالية، قائلة:" يعني إذا المهندس بيوقف الورشة والمحامي بيوقف مرافعة وصاحب المطعم بيوقف خدمة والمصرفي بيوقف تداولات.. ساعتها متوقف شغلنا".

وأضافت:" كلنا بعز الحرب كانوا الفنانين مستمرين لأن ده شغلنا وده رزقتنا ومش هيوقف كرمال كام حد فاشل وفاضي بيحكي.. محدش يزايد علينا بوطنيتنا ومواقفنا! نقطة على السطر".