خاص لـ العاصمة.. رد صادم من محمد التاجي عن أحداث فلسطين: الشعب بيضيع عشان الكرسي

هاجم الفنان محمد التاجي كل من إسماعيل هنية رئيس المكتب السياسي لحركة حماس، ورئيس وزراء دولة فلسطين سابقًا، وكشف رأيه في الأحداث بغزة حيث أعرب عن استيائه وحزنه بشكل صادم، واصفًا إسرائيل بالمطرقة، وحماس بالسندان، والشعب الفلسطيني بينهما.

إقرأ أيضًا..  بعد فيديو الاعتذار.. محمد سلام يضع فنانين موسم الرياض في

ووجه الفنان محمد التاجي رسالة إلى أهل غزة خلال تصريحات خاصة لـ العاصمة قائلًا: ربنا معاكم، انتوا ما بين المطرقة والسندان، ما بين ناس جم يوم 7 أكتوبر ضربوا بومبتين وقاعدين في قطر وتركيا، وسايبينكم انتوا بتتطحنوا ليل ونهار، انتو ما بين مطرقة الصهاينة وسندان حماس.

إقرأ أيضًا.. رغم الخلاف ووفاة الوالدة.. مروان وبابلو مستمران في التعاون

وأعرب التاجي عن غضبه بسبب ما فعله إسماعيل هنية أثناء أحداث غزةوقال: مش فاهم ليه إسماعيل هنية يسيب البلد ويروح يقعد في قطر، مش غزة ديه اللي استقل بيها علشان كرسي الحكم من فترة أما كان رئيس الوزراء، وخلصت مدته وخد غزة واستقل بيها كمان، وبعدين سابهم دلوقتي، وسايبين الناس بتتضرب، وهما قاعدين بره، الله يكون في عون الناس، وطول النهار بنسمع الأخبار ويتوجع قلبنا، وموقفتوش ليه تصدوا عن شعبكم الضرب ده، والـ 5000 شهيد، هل ده حرام ولا حلال.

واختتم محمد التاجي: أعرف 3 عائلات قاعدين في أوضة في مدرسة، راجل بمراته بعياله، الكرسي ليه بلاويه وأنا مش فاهم ليه يضيع الشعب كله عشان كرسي، وسايب البلد وقاعد في قطر، ربنا معاهم، وياريت ندعيلهم كلنا.