أحمد فلوكس: احنا في سفينة نوح.. وتلاقي اللي شغال بـ 100 جنيه عايز يشتري عربية
كتب: محمود جودة
نشر الفنان أحمد فلوكس فيديو جديد على صفتح بموقع انستجرام، اليوم الأربعاء، للحديث عن عدد من القضايا، والرد على ما وصفه بحملات الهجوم ضد وتشويه صورته.
وقال أحمد فلوكس: "الناس بتسأل عن سبب اللي أنا بعمله، وأنا بقولهم أنا ما عنديش تربح من اللي أنا بعمله ولا من اليوتيوب، وهدفي إننا يبقى عندنا وعي بالمرحلة اللي احنا فيها، واللي المفروض نعمله، وبحاول أوصلكم اللي بشوفه وبتأكد واعتقد أنه صح".
وأضاف: "هاتكلم عن الدولار اللي زاد بسبب التضخم وده حصل عشان الاجراءات اللي اتعملت الفترة اللي فاتت وأنهم طبعوا فلوس كتير، والمَخرج من الأزمة دي أننا نصنع منتجات بجودة عالية جدًا عشان نبيعها للعالم، وفي ناس بتسعى وتجتهد ولكن مش كفاية، وده الحل الوحيد أننا نخرج من فكرة أن الدولار بيتحكم فينا".
وأضاف: "الأزمة مالهاش حلول تانية ومالهاش علاقة بالسياسة ومين فين، هي مرتبطة بينا احنا، ما ينفعش النهاردة يبقى بشتغل بـ 100 جنيه وعايز اشتري عربية".
واختتم بقوله: "رسالتي لوزير التعليم إننا لازم نعلم الناس تاريخنا العظيم ونعرفهم احنا كنا فين، ولازم ننمي الإبداع عند الجيل الجديد، والإبداع مش بس رسم وكورة، وكمان لازم نعلم الأطفال الحرف والصناعات من ابتدائي وإعدادي".
