مصطفى بسيط: «السوشيال ميديا بقت بتحركنا وبتستبيح أعراض الناس»
كتب: نسرين إبراهيم
علق الفنان مصطفى بسيط أحد أعضاء فرقة مسرح مصر، على الجدل المثار حول أزمة بيومي فؤاد ومحمد سلام، بعد سلسلة الهجوم الذي تعرض لها الأول بعد هجومه الأخير بسبب اعتذاره عن مسرحية "زواج اصطناعي".
وقال بسيط عبر حسابه الرسمي على "إنستجرام": "الفتنة.. خلاص كل الناس شيرت اللي مع واللي ضد، وكله كتب بوستات وشير واتبسط، خلاص خلصنا مزايدات على بعض وخونا وكدبنا بعض؟!.. افهم انك بتشارك في تقطيع بني أدمين زيك زيهم وكلهم بيدافعوا عن نفس القضية".
وأضاف: "طب كل ده علشان إيه؟! ـ التريند/ والسوشيال ميديا ـ اللي بقت بتحركنا كلنا لدرجة إننا بنشير اللي لينا فيه واللي ملناش برضه فيه، وقررنا فجأة إننا نستبيح الناس وأعراضها وعائلتها.. كل ده علشان يا ـ اللقطة/ أو الريتش ـ وبقى كل حد من حقه أنه ينتقد ويشتم في الناس طالما مفيش حد هيحاسبه".
وتابع: "بس خليك فاكر إن مفيش حد هيحاسبك على كلامك وفتنتك دي هنا في السوشيال ميديا.. لكن لما يتوفانا الله ويوم الحق اعرف كويس إن بوست أو كومنت أو هجوم على شخص إنت متعرفش عنه حاجة ربنا هيجيبله حقه منك ومن غيرك ربنا العدل لأنه قال: "مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ".. فاخليك فاهم كويس إن كل لفظ وكلمة هاتطلع منك بتتكتب وهاتتحاسب عليها".
وأوضح مصطفى بسيط، قائلا: "ملحوظة: انا مش بدافع عن حد ، انا لا مع ولا ضد لان مش لازم كل حاجه يكون ليا فيها راى، ربنا يهدينا جميعا ويصبر اهلينا فى فلسطين".
يأتي ذلك بعدما هاجم الفنان بيومي فؤاد، الفنان محمد سلام، بعد اعتذار الأخير عن عدم المشاركة مسرحية "زواج اصطناعي"، في موسم الرياض بالمملكة العربية السعودية، حيث بيومي فؤاد في مقطع فيديو في كلمة له بنهاية عرض المسرحية التي يشارك فيها أيضا: "من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا.. شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي.. محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا".
اقرأ أيضا: إغلاق مطعم بيومي فؤاد بعد دعوات المقاطعة له
View this post on Instagram
