شيرين رضا لـ«العاصمة»: «مش هقدر أروح معبر رفح علشان شغلي»

كشفت الفنانة شيرين رضا عن رأيها في الاعتدائات المستمرة على أهالي غزة من قبل الإحتلال الإسرائيلي، كما أعربت عن حزنها الشديد.

وقالت شيرين رضا، في تصريحات خاصة لـ«العاصمة»: «حاجة تقطع القلب، والناس دول ميستاهلوش اللي بيحصل فيهم، أنا مفيش في إيدي حاجة أعملها، هما محطوطين في كورنر وحد زانقهم فيه، ومعنديش حاجة غير إني أدعيلهم، أعمل إيه تاني أروح المعبر مش هقدر أروح كل يوم علشان عندي شغل، أدعمهم إزاي، أكتب كل يوم إن بدعمهم ده مش هيفيد بحاجة، وقلبي مع كل حد مدني ملهوش ذنب».

وتابعت: «الحكومات بتاعتنا هي اللي هتكرر هنحارب ولا لأ في العالم كله، والمدنيين ملهمش ذنب، وأي روح بالنسبة لي ليها قيمة، في أي جنس وأي دين، وحرام المدنيين يموتوا علشان ده مش دورهم، واللي عارف إنه هيموت هو الجيش، وهو رايح علشان يدافع عن وطنه وأرضه».

شيرين رضا تشارك في فيلم كتف قانوني

وتشارك الفنانة شيرين رضا في فيلم "كتف قانوني" بطولة الفنانة هالة صدقي، وتدور أحداث الفيلم في إطار اجتماعي كوميدي من خلال تناول بعض القضايا الاجتماعية التي تدور في الشارع المصري وتأثيرها على المجتمع، والعمل يضم مجموعة كبيرة من أبرز الفنانين ومنهم، هالة صدقي، وسيد رجب، وكريم عفيفي، وشيرين رضا، وعدد آخر من الفنانين.

كما يضم العمل عددًا كبيرًا من ضيوف الشرف، أبرزهم إلهام شاهين، ويسرا، وهو من تأليف هشام هلال وأحمد رمزي، وإخراج سامح عبد العزيز.

اقرأ أيضا.. رسالة مؤثرة من شريهان عقب اعتقال الناشطة الفلسطينية...