باهر دويدار: محمد سلام كان صادقا.. والهجوم على بيومي فؤاد مبالغ فيه

علق السيناريست باهر دويدار، على أزمة بيومي فؤاد الأخيرة والهجوم الذي تعرض له بعد تصريحاته عقب قرار عدم مشاركة محمد سلام في موسم الرياض بسبب أزمة غزة الحالية.

وقال باهر دويدار في لقاء له ببرنامج "صالة التحرير" مع الإعلامية عزة مصطفى، والمذاع عبر فضائية "صدى البلد": " عبّر بمنتهى الصدق والشجاعة عن رأيه ولم يدّعي البطولة، أنا صدقت محمد سلام لما شوفت الفيديو هو راجل اتكلم بمنتهى الصدق والشجاعة، في خلال الشهر اللي فات ده مش قادر اشتغل بنفس كفاءتي من جوايا محروق، فهو سلام اتكلم بصدق كأنه بيطلع اللي جواه، حتى لم يدّعي البطولة، لو أنا مكانه هبقى عارف إني بخسر كتير، واحترمت شجاعته".

وعن الهجوم الذي تعرض له بيومي فؤاد عقب تصريحاته في حق محمد سلام، قال:  "مش عارف كواليس اللي قاله بيومي فؤاد، ولكن أنا شايف القضية أكبر من شخص بيومي فؤاد، الهجوم على بيومي مرعب ومبالغ فيه جدًا، وإحنا عمالين بنتشحن بغضب بقالنا شهر وغضبانين ومتغاظين ومش طايلين إسرائيل عشان نعمل فيها حاجة، فلما طولنا بيومي طلعنا غضبنا فيه".

وأضاف: "عايز الغضب ده يتوجه في حاجة مفيدة وإيجابية؛ لأن المعركة لسه مطولة، حتى لو هو أخطأ خلاص، حر في وجهة نظرك، لكن حجم الغضب خطورته متوجه في المكان الغلط، هو مش عدونا، مش هو ده اللي بيضرب غزة، ومش دفاعًا، الفكرة إن الغضب يروح في مكانه المظبوط.

اقرأ أيضا: سيرين عبد النور ترد على نادين الراسي بعد اعترافها بالغيرة منها