شريف مدكور: سنقدم في رمضان أكلات مفيدة لترشيد الاستهلاك

أعلن الإعلامي شريف مدكور من خلال برنامجه «4 شارع شريف» والمُذاع على قناة «الحياة»، أن البرنامج سيتضمن، خلال شهر رمضان، فقرة المطبخ، وتضم أكلات اقتصادية جدًا، وفي نفس الوقت «طعمها حلو» سهلة التنفيذ بالنسبة لكل الأسر المصرية: «مفيش لحوم ومفيش فراخ، وحتى كمان مفيش أسماك إلا في نطاق السمك اللي سعره قليل جداً، يعني بالتعبير الدارج كده أكلات خفيفة على الجيب والمعدة مع بعض».

وأضاف «مدكور» أن الفكرة تناسب كثيرًا من الناس خصوصاً في هذه الفترة، وستكون تغييرًا لفكرة راسخة في ذهن كثير منا التي ترى أن رمضان مرتبط بالأكل الدسم والغالي "حتى لو هيترمي نصه".

وأشار الإعلامي شريف مدكور إلى أن البرنامج سيقدم لك طرق عمل أكل صحي "مش غالي، وفي نفس الوقت شهي، وبالمناسبة الفكرة كمان هتبقى عظيمة لكل المصريين خصوصاً إن إخواتنا المسيحيين بيحتفلوا خلال الأيام دي بالصيام الكبير فالأكلات كده كده هتبقى ملائمة لينا كلنا".

وتابع: «دي مش دعوة لمقاطعة اللحوم والفراخ اللي سعرهم ارتفع في العالم كله مش في مصر بس لكن ممكن نسميها ترشيد في الاستهلاك على قد ما نقدر ولإن الشهر في الأساس للعبادة والصوم مش للأكل، وهتبقى فرصة جيدة نجرب عمل أكل صحي بكذا شكل وطريقه».