محمد عطية باكيًا: بستحرم آكل وأطفال غزة في الوضع الحالي

أجهش الفنان محمد عطية، بالبكاء، أثناء حلوله ضيفا بأحد البرامج التليفزيونية، أثناء حديثه عن أزمة الأطفال في قطاع غزة.

وقال محمد عطية، خلال الحلقة:"عندي حاجات بشتغل فيها لأن ده أكل عيشي، لكن بستحرم اللقمة اللي بأكلها، إحنا معندناش دم؟!، بناكل والأطفال بتموت من الجوع في فلسطين، الأطفال بتموت حرام كده".

وأضاف:" بقيت أبص للسقف وأحمد ربنا إن عندي سقف، الأب بيحضن أولاده وهو نايم مش عارف هيصحى في حضنهم ولا لأ، مش خايف أخسر حاجة في شغلي بسبب تصريحاتي ما يولع أي حد، الطفل اللي عنده 10 سنين في غزة ضفره برقبتي".

وكان قد علق محمد عطية، على أزمة غزة،  عبر مقطع فيديو عبر حسابه الرسمي بإنستجرام، قائلاً: بناشد كل المؤثرين على السوشيال ميديا من ممثلين ولاعبين كرة وبلوجرز، أرجوكم اتكلموا على اللي بيحصل في فلسطين.. سنُسأل لاحقا عن شعب تم إبادته بالكامل قدام عينينا وإحنا واقين بنتفرج.