عمرو سلامة: «بحضّر لفيلم شماريخ من 20 سنة»

كشف المخرج عمرو سلامة كواليس تحضيراته لـ فيلم "شماريخ" بطولة الفنان أسر ياسين، والفنانة أمينة خليل، والمقرر طرحه يوم 7 ديسمبر في جميع السينمات بدور العرض.

وقال عمرو سلامة، خلال ندوة فيلم "شماريخ" بفعاليات مهرجان البحر الأحمر السينمائي:" في كل عمل جديد بجرب فيه حاجة معملتهاش قبل كدا، لأني بخاف أعمل حاجة ناجحة وأكررها كتير لازم أجرب أنواع تانية وبحس إن الفن بيدي مساحة للإبداع إنك تتعلم وتجرب أكتر من إنه مساحة إنك تعيد وتكرر نفسك".

وتابع عمرو سلامة:" أنا محظوظ لإن عندي طاقة إنتاجية كبيرة، بكتب كتير ودايما بقول إن العمر مش هيكفي أخرج كل المشاريع اللي كتبتها وطورتها ونفسي أقدر أنفذ المشاريع كلها وخاصة اللي بحضر ليها من فترة كبيرة و"شماريخ" واحد من المشاريع دي، واللي بدأ معايا من طفولتي وكتبته كامل من 15 سنة وبعته لآسر في 2008 وكان مختلف وكل شوية الفكرة تتطور وتتغير علشان تواكب زمنها".