فيفي عبده: كل أهل بيتي في غزة و الناس فهمتني غلط في عزا ناهد

أعربت الفنانة فيفي عبده عن استيائها الشديد بسبب أحداث فلسطين، ومواصلة الاحتلال العدوان على أهل غزة.

وقالت فيفي عبده في تصريحات تلفزيونية: كنت بأدي واجب ربنا ميكتبهاش على حد، واحنا كل يوم بنأدي في واجبات وأهل بنتي فلسطينيين وكل يوم أنا في غم لدرجة إن الدكتور قال يودوني عند دكتور نفسي، من كتر ما أعصابي تعبت، مش عارفة أعمل حاجة مفيش في إيدي ولا إيد حد حاجة عمالين ندعي وده مش كفاية، وأطفال متقطعة وحاجات عمرنا ما شوفناها.

وتابعت فيفي عبده: الناس فهمتني غلط في عزاء ناهد فريد شوقي، وفي مرحلة غزة واللي حاصل فيها أنا كل أهل بيتي من غزة فأنا عندي ظروف خاصة وقولت اللفظ ده علشانها، وأنا زي أي مواطن بحب بلدي وبموت في ترابها.

واختتمت: أنا اشتغلت كتير أوي ولازم يجيلي حاجة أكون مبسوطة منها أوي علشان أعملها بعد الأعمال اللي عملتها، أنا عملت 25 مسلسلا و18 فيلما وكام مسرحية، ودلوقتي كويس الدراما بقت صغيرة.