مروة عبدالمنعم عن ارتداء ابنتها الحجاب: «دخول الجنة مش بالشعر وربنا بيحبني»
كتب: نسرين إبراهيم
علقت الفنانة مروة عبد المنعم، على ارتداء ابنتها الحجاب والانتقادات التي تعرضت لها، مؤكدة أنها هي الأخرى مقتنعة بالحجاب ولكن الجنة لا يدخلها أحد بسبب حجاب أو غيره، حيث أكدت أنها مؤمنة أنها ستدخل الجنة لأن بينها وبين الله عمار كبير.
وقالت «عبدالمنعم» خلال استضافتها مع ابنتها «حور»، في برنامج «البيه والهانم» الذي تقدمه الإعلامية نورين شحاتة مع ممدوح الشناوي على قناة القاهرة والناس: «جات لي فكرة الحجاب في نفس سن بنتي وكنت في أولى إعدادي وقلت لماما قالتلي لما تكبري خدي القرار، كنت ساعتها عايشة روحانيات الحجاب خاصة أني كنت عايشة في السعودية».
وأضافت: «مقتنعة جدًا بالحجاب وربنا عالم أنا ليه مش محجبة، وده حساب بيني وبين ربنا، وفخورة جدًا ببنتي وأتمنى ربنا يثبتها على الحجاب وسعيدة بالقرار اللي خدته، ولو جه عليها فترة وزهقت وخدت قرار تخلع الحجاب مش هقف ضدها».
وردت عما إذا كانت ابنتها أحرجتها دينيًا وأخلاقيًا قائلة: «بيني وبين ربنا عمار كبير جدًا، وعندي علاقة خاصة بيني وبين ربنا ما يصحش أني أقولها لأني بحبها، وواثقة في ربنا وكرمه وحبه ليا وواثقة أنه بيحبني جدًا وبيبعت لي رسايل كتير جدًا وبيكلمني كتير جدًا».
وأضافت: «مؤمنة أن ربنا بيكلمنا في كل لحظة ومن يستطيع أن يقرأ رسايل الله مش أي حد أنا بقرأ رسايل ربنا لي، ومؤمنة إن دخول الجنة مش بالشعر نهائي، ومحدش عارف فيه إيه بيني وبين ربنا، وأنا أخلاقيًا الناس كلها عارفة أخلاقياتي ومش محتاجة أني أتكلم عنها ودينيًا ربنا وحده بس اللي عارف بيني وبينه إيه».
اقرأ أيضا: مسلم يكشف عن تعرضه لأزمة صحية ويطالب جمهوره بالدعاء
