ريم البارودي تكشف عن تفاصيل دورها في «حد فاصل»
كتب: مؤمن نصر
تحدثت ريم البارودي، عن علاقتها بالمخرج تامر حمزة، قائلة: «الحكاية دي عزيزة جدًا على قلبي، لأن هو مخرج عزيز جدًا على قلبي ومخرج موهوب وكبير، ومش أنا طبعًا اللي هقيم أستاذ تامر أبدًا، ولكن كان عندي تجربة سابقة معاه اللي هي قيد عائلي».
وكشفت ريم البارودي أثناء مداخلة هاتفية في برنامج «free time» مع الإعلامية يارا أحمد عبر قناة «هي»، عن تفاصيل دورها في أحدث أعمالها الدرامية والذي تنتظر عرضه وهي حكاية بنات حمزة إحدى حكايات حد فاصل.
وتابعت: «إن شاء الله بنات حمزة من مسلسل حد فاصل هي أول بطولة ليا ويارب تعجب الناس، والشهر ده المفروض تبقى على منصة والقنوات ونخليها مفاجئة».
وقالت: «أنا عاملة شخصية ياسمين وهي كبيرة أخواتها البنات وحبيبة أبوها ومامتها وشخصية جدًا، ودايمًا الكبير والشخصية واللي مسؤول ممكن يغلط لإن الإنسان في الأول والآخر خطاء ده اللي هنتابعه وبتحب جدًا جوزها وشخصية حلوة جدًا وموجودة حقيقية وموجودة في المجتمع».
وأضافت: «شخصية تعبتني أوي وعلى طول أستاذ تامر بيتعبني عشان يطلع أحسن حاجة عندي، ويارب أطلع عند حسن ظن الجمهور وأطلع عند حسن ظن تامر نفسه ودعواتكوا».
اقرأ أيضاً: «تعبت نفسيا وبدنيا».. ريم البارودي تكشف سبب ابتعادها عن...
