حمو بيكا لجمهوره: كل حاجة بتاعتك هتبقى بتاعت غيرك.. إلا سمعتك وأثرك

وجه مؤدي المهرجانات حمو بيكا، رسالة لجمهوره عبر حسابه الرسمي على موقع التواصل الاجتماعي "فيسبوك" يحثهم فيها على الاهتمام بالسيرة الخاصة بهم وترك أثر طيب في نفوس الناس.

ونشر حمو بيكا، صورة، وعلق قائلًا: "هتمشي وتسيب كل حاجة.. وكل حاجاتك هتتورث وتروح لغيرك.. كل حاجة بتاعتك هتبقى بتاعت غيرك.. إلا سمعتك وأثرك".

وأضاف: "فلو هتتعب وتشقى علشان تسيب حاجة نضيفة ومش ملطوطة.. احرص تبقى سمعتك.. استثمر في سمعتك وسيرتك".

وتابع حمو بيكا: "محدش هيقول غير كان كويس، طيب، جدع، خدوم، حنين.. خرجنا منها على خير وبسمعة طيبة وأثر طيب يارب.. أول جمعة في 2024 جمعة مباركة علي كل أهلي وصحابي".

حمو بيكا يحتفل بسبوع ابنته

وكان قد احتفل حمو بيكا في ديسمبر الماضي بسبوع ابنته "تاج" بإحدى قاعات الأفراح وظهرت بجانبه زوجته شمس، وحضر لقاعة الحفل للاحتفال بسيارة كلاسيكية ومكشوفة السقف.

اقرأ أيضا: مصطفى كامل وهشام عباس في حفل «كاسيت 90»: الجمهور السعودي يشرف