ليلى علوي: كان نفسي أرجع للمسرح ولقيت النص اللي يرضيني في «الصندوق الأحمر»
كتب: نسرين إبراهيم
أكدت الفنانة ليلى علوي، أن غيابها عن المسرح لسنوات طويلة كان لأسباب خارجة عن إرادتها، كما تحدثت عن عودتها من خلال مسرحية "الصندوق الأحمر" في موسم الرياض.
وقالت ليلى علوي خلال لقائها في برنامج «سينماتيك»: «لقيت النص اللي يرضيني لأنه متعالج بشكل استعراضي كوميدي وانا بحب الاستعراض أوي، وإنك بتلاقي الإمكانيات اللي تحقق فيها العرض اللي نفسك تحققه ودي حاجة متوفرة هنا جدا».
وعن حبها للمسرح أضافت: «أنا كنت عايزة ارجع للمسرح لأن الممثل بيستمتع بالمسرح والسينما بتستنى الإيرادات ونفس الحكاية الفيديو لكن المسرح اختلافه أنك بتاخد رد الفعل اللي أنت محتاجه في ساعتها على طول».
وتابعت: «في فترة كنت مركزة في الفيديو أكتر والفترة دي مركزة في السينما أكتر، والنص شدني وفريق العمل كمان هايل وكمان المخرج».
وعن غيابها لفترة قالت: «والدتي كانت تعبانة واتوفت، وانا كنت محتاجة فترة استعيد فيها نفسي قبل الشغل».
أبطال مسرحية "الصندوق الأحمر"
مسرحية "الصندوق الأحمر" بطولة ليلى علوي وبيومي فؤاد ومروة عبد المنعم ورنا رئيس ونور إيها وطارق الإبياري وميمي جمال وسليمان عيد.
اقرأ أيضا: إلهام شاهين: بشكر عائلة «ساويرس» للاهتمام بالثقافة والفنون
View this post on Instagram
