الناس ملهاش دعوة.. أول تعليق من مي فاروق علي شائعات فارق السن بينها وبين العمروسي
كتب: فرح الرامي
علقت الفنانة مي فاروق على الشائعات التي انتشرت الفترة الماضية عن فارق العمر بينها وبين خطيبها الفنان محمد العمروسي، مبينة أنها لا تحب الحديث عن حياتها الشخصية
رد مي فاروق علي شائعات فارق العمر
وقالت مي فاروق في لقاء مع et بالعربي قائلا: "معملناش حاجة غير إننا أعلنا للناس إننا ارتبطنا، فجأة وأنا قاعدة في البيت وبشوف الأخبار اللي بتتكتب وكلها مش صح حسيت أن أوحش حاجة في الدنيا لمجرد أن تطلع تريند أو تعمل مشاهدات تأثر على حد أو تتكلم على حد بشكل مش مظبوط أو تقول خبر مش مظبوط عشان مشاهداتك تبقى أعلى".
وتابعت مي فاروق: "دي حياة وإحنا بني آدمين شفت كل اللي حصل من بعد إعلان الخطوبة حاجة مش حلوة وقعدنا نهزر على فيسبوك على موضوع السن وفي الآخر والأول الناس ملهاش دعوة بحاجة والحمد لله ربنا يوفقنا وأتمنى أني أكون عند حسن ظن الناس دايما في شغلي والناس تتعلم تفرق بين شغل الفنان وحياته لإني من الناس اللي مش بتحب تتكلم عن حياتها الشخصية".
رد محمد العمروسي علي شائعات فارق العمر
ورد الفنان محمد العمروسي علي هذه الشائعات بعد إلان خطبته من الفنانة مي فاروق قائلا: من المضحك انك تلاقي أخبار عنك ومعلومات انت شخصيًا أول مرة تسمعها في حياته عن نفسك لا وكلها غلط من ضمنها موضوع فرق السن، طب والله أنا الأكبر، انتي مش شوفتي بطاقتي يا بنتي"، لترد عليه "مي" قائلة: "مش يمكن البطاقة مزورة".
