هل يُقبل صيام غير المحجبة؟ .. مصطفى حسني يجيب

رد الداعية مصطفى حسني، على سؤال تقول صاحبته: "هل الصيام من غير حجاب حرام؟".

أجاب "حسني" خلال مقطع فيديو نشره عبر حسابه الرسمي على "إنستجرام": "احنا لازم نتعلم نفكر إزاي، الحجاب فريضة بإجماع العلماء كلهم، ومفيش عالم قال إن الحجاب مش فريضة".

وتابعت: "البنت اللي لسه مخدتش خطوة الحجاب مذنبة أنها لسه مخدتش الخطوة دي، وإحنا عندنا طاعة اسمها طاعة الصيام وركن من أركان الإسلام وطاعة اسمها طاعة الصلاة، والسيئات لا يذهبن الحسنات، بالتالي لما يبقى في إنسان بيعمل حسنة مبتجيش السيئات تمسح الحسنات إنما الحسنات بتمسح السيئات".

أردف: "اتحجبي عشان ربنا طلب منك كده لكن لو حضرتك لسه مخدتش الحجاب فصيامك صحيح، ويا رب يبقى كامل الأجر، وحتة كامل الأجر دي مش بتاعة الناس بتاعة ربنا".