مجدي الهواري يشيد بـ مي عمر في «نعمة الأفوكاتو»: من أصعب وأحلي الشخصيات النسائية

أشاد المخرج مجدي الهواري بمسلسل "نعمة الأفوكاتو" للنجمة مي عمر، معبرا عن إعجابه الشديد بالشخصية التي تقدمها ضمن الأحداث.

وكتب "الهواري" عبر حسابه الرسمي على "فيسبوك"، عن المسلسل الجديد، قائلا: "ما شهدته إلى الآن.. من أصعب وأحلي الشخصيات النسائية في التمثيل  اللي شوفتها لحد دلوقتي  في رمضان هي شخصية نعمة أبو علب.. لمي عمر في مسلسل نعمة الأفوكاتو".

وأضاف: "والله أنا بقول للممثلين الكلام ده! وأخيراً لاقيت حد يسمع الكلام أو علشان لا أظلم أحد ده ذوقي يمكن في التمثيل، رغم أنها تبدو سهلة وبسيطة ولكنها شخصية مركبة ومتناقضة في نفس الوقت، يعني سهل ممتنع، من الآخر زي محمد صلاح في الكورة تحس إنه مش بيعمل حاجة وهو بحرفنة بسيطة بيعمل كل حاجة، بس أنت لاعبه لوحده من غير ماتشوشر عليه بلعيب تاني".

وتابع: "ولازم يكون الممثل اللي يعملها وبالحلاوة ديه يكون بيتفرج علي المسلسلات كتير عالمية والإسباني تحديداً، لأن هما الموضة دلوقتي في التمثيل، والله لازم بعض الممثلين يشتغلوا علي نفسهم ويشوفوا الموضوع رايح فين في العالم كله، زي ما من الواضح  اللي عملته مي عمر  كده".

محمد سامي يشيد بصناع مسلسل "نعمة الأفوكاتو"

واختتم: "برافوا مي وبرافو ا محمد ساميّ، وطاقم العمل وشكرا مها سليم علي الإنتاج اللي متعوب عليه ده، التمثيل مش حزق ولا إفراط في الإنفعالات، واللي  هيقولي أنت مستعجل، أقوله الجواب بيبان من عنوانه، هيبقي من  الـ top 5 في رمضان، والنهاردة هقولكم الباقي".

اقرأ أيضا: الحلقة الثانية من «عتبات البهجة».. القبض على يحيى الفخراني وجومانا مراد