وفاء قمر: أنا على تواصل مع عبلة كامل وهي ست عظيمة
كتب: مؤمن نصر
تحدثت الفنانة وفاء قمر، عن تعاونها مع الفنانة عبلة كامل، في مسلسل "سلسال الدم"، كما أكدت أنه لا مانع لديها من إجراء كاسيتنج لأي عمل حتى هذه اللحظة.
وقالت "قمر"، في لقائها مع الإعلامية إنجي هشام، في برنامج "المنسي" المذاع عبر شاشة قناة "هي": "عبلة كامل دي ست عظيمة ومدرسة، أنا كنت قاعدة في كواليس سلسال الدم بتعلم منها كل حاجة في الحياة، وهي ست مبتفوتش أي حاجة ولا موقف وكانت طول الوقت بتعمل عزومات في التصوير، وأنا كنت بروح بس علشان اتفرج واتعلم منها حتى لو معنديش تصوير، وأنا مبسوطة جدا أني اشتغلت مع الأستاذة عبلة كامل",.
وعن ما إذا كانت على تواصل مع الفنانة عبلة كامل، قائلة: "طبعًا أنا على تواصل معاها في المناسبات، وأي فنان أنا اشتغلت معاه بنكون على تواصل في المناسبات".
وتابعت: "أنا مع أن يتعمل أجزاء للأعمال، والناس بتقابلني في الشارع لغاية دلوقتي بتقولي مش هتعموا جزء سادس لسلسال الدم؟، والمهم أن العمل ناجح".
واختتمت حديثها قائلة: "معنديش مشكلة دلوقتي إني أعمل كاستينج، وأنا من بداياتي كنت بسعى طول الوقت علشان أشتغل وأظهر".
اقرأ أيضاً: وفاء قمر: مش معتمدة على الفن ماديًا.. وعندي بيزنس تاني خاص بيا
