إيناس الدغيدي: أنا من المخرجين أصحاب الفكر وطول عمري عندي قضية بدافع عنها
كتب: مؤمن نصر
علقت المخرجة إيناس الدغيدي على غيابها طيلة 14 عامًا عن الإخراج قائلة: "بقالي 14 سنة مشتغلتش واسمي موجود، وفيه مخرجين موجودين والناس متعرفهمش، والمخرجين أنواع، فيه اللي بينفذ وفي اللي عنده فكر، أنا اللي عندهم فكره، وطول عمري عندي قضية بدافع عنها، مش دفاعًا عن المرأة بس، لكن علاقة الرجل بالمرأة، كل أفلامي كده".
وتابعت: "ثانيًا أنا أول مخرجة يجيبني منتج يديني فلوس عشان أعمل فيلم، ويثق فيا إني أعمل فيلم، بمحمود حميدة ونجلاء فتحي في عزهم".
واستطردت خلال استضافتها ببرنامج "أسرار" مع الإعلامية أميرة بدر المذاع على قناة النهار: "عادل إمام خلي الناس تحبه وبعدين يشوفوا تطوراته، اشتغلت 45 فيلم مساعدة مع أكبر مخرجين، وكانت الصحافة تكتب عني وانا مساعدة، مره مفيد فوزي كتب عني وأنا مع حسين الإمام أنه دخل شاف شابة جميلة، فا اعتقدت إنها ضمن الممثلين وبعدين لقيتها مساعدة مخرج، لما بطلع في أي برنامج دايما أفكاري مش عاجبة الناس، ومبعرفش أقول اللي مش جوايا، ودايما أقول إن الجمال باب يخليكي تاخدي مميزات اكتر من غيرك، لكن بقول إن الست الذكية اللي متعتمدش على جمالها بس، والحتة دي خليتي جادة جدًا".
واختتمت حديثها قائلة: "مرة وأنا مساعدة مع عادل إمام في فيلم حب في الزنزانة قالي، أنا كنت فاكر بيجبوكي عشان بنت حلوة وخلاص بس طلعتي شاطرة أوى، وكنت عايزة اتمكن أوي من الشغلانة، وكل الفنانات دخلوا عشان الجمال، وياسمين صبري دخلت عشان جميلة، بس عايزة تتطور، أنا بحبها بس عاوزة مخرجين ومساعدين يساعدوها".
اقرأ أيضاً: آخر تصريحات إيناس الدغيدي بعد تصدرها التريند
