المخرجة إيناس الدغيدي: موسم الرياض فايدة كبيرة للسينما المصرية لكن كل الأعمال سطحية
كتب: مؤمن نصر
عبرت المخرجة إيناس الدغيدي عن رأيها فيما يحدث بموسم الرياض قائلة: "موسم الرياض فايدة للسينما المصرية بلا شك، وهيضيفوا للسينما بالإمكانيات دي، لكن لغاية دلوقتي مشفتش مستوى كويس، وكل الأعمال سطحية".
وتابعت: "وأنا مش من أنصار حرق النجوم بالشكل ده، مينفعش أحط في عمل 5 او 6 نجوم مع بعض، لأن النجم لازم يفضل نجم، وهو إبهار مالوش فايدة، لازم الفنان يبقى عزيز، ولو اتعرض عليا أعمل كل ده هعمله بس بشكل كويس، طالما هيدوني إمكانيات ويحققوا طموحاتي، ليه أقدم حاجة وحشة، ليه أروح عشان الفلوس وانسى اسمي ومكانتي، بس مقابل ده أدي كواليتي، ومفيش جوه الإبهار حاجة، وآخر مرة شوفت المطربين بيقروا من ورقة، ومكلفوش نفسهم يحفظوا أغانيهم".
واستطردت: "حصل تزمت فكري في مصر وده سبب ابتعادي 14 سنة، لأنهم مش عايزين واحدة زي ايناس الدغيدي تتكلم، وعندي مشاريع زي الصمت وعصر الحريم ومن 8 سنين، بيتكلم عن الجواري في مصر، وموضوعه يجنن وقد إيه المرأة المصرية من 1800 بتدافع عن حقوقها، ولما أرجع كله يترصد لي ويشوفوا هل هي لسه إيناس الدغيدي ولا خلاص راحت عليها".
واختتمت حديثها قائلة: "وإزاي اشتغل مسلسل استلم منه حلقتين وباقي الـ30 حلقة استلمهم على الهوا، طيب أخرج إزاى، مش هستنى لما نجم يقول عايز إيناس الدغيدي تيجي تخرجلي، عمري ما عملته مع أكبر النجوم، ومطلبتش من نجيب ينتجلي رغم أنه صديقي، لأن الفنان لازم يبقى عنده كرامة، وأنا عندي مواضيع وهما عايزين حاجات لايت أنا مبشتغلهاش، واللي عايزني يكلمني".
وجاء ذلك، خلال استضافتها ببرنامج "أسرار" مع الإعلامية أميرة بدر المذاع على قناة النهار.
اقرأ أيضاً: آخر تصريحات إيناس الدغيدي بعد تصدرها التريند
