كريم عبد العزيز يكشف حقيقة إصابته بإكتئاب

كشف الفنان كريم محمود عبد العزيز، إنه مر بفترة اكتئاب حادة عند عرض مسلسل هوجان، قائلا: "أثناء مسلسل هوجان، حصلي موجة اكتئاب صعبة ومبقتش فاهم الدنيا، وقررت أروح لدكتور نفسي، وفي يوم صحيت لقيت رقم غريب بيتصل عليا وكان وحيد حامد فرديت وقالي إنه مبسوط بيا وأتفرج على هوجان، وقالي أنا عايزك تجيلي عشان في فيلم، ومن بعدها شعرت بالنجاح وخرجت من شعوري بالاكتئاب وفكرة اللجوء لطبيب نفسي، واكتسبت ثقة فنية فى نفسي".

وعن فكرة الموت، أوضح كريم خلال حواره مع الإعلامية شيرين عرفة في برنامج "أدينا بندردش" والذي تقدّمه عبر صفحتها في "إنستغرام"، "فكرة الموت كانت شاغلاني دايمًا وأنا صغير، ومكنتش عارف أعيش بسبب التفكير في الموت، وكان دايما كل اللي في دماغي هو إن مينفعش أبويا يموت، ولما كان يسافر كنت دايما أفضل أقول يا ترى هيرجع ولا لا؟ وكنت خايف ييجي يوم ويموت، ولكن حاليًا مبقتش فكرة الموت عندي زي زمان خاصة بعد التعرض لعدد من الصدمات".